Европски собир за Одржлив Рурален Развој
8 - 11 Октомври 2009 година, Göhrde, Германија
Претставници на АЛКА - Центар за одржлив развој, учествуваа на Европскиот собир за Одржлив Рурален Развој во Göhrde, Германија од 8 до 11 Октомври 2009 година.
Тридневниот состанок организиран од страна на Форум Синергиес - Европска мрежа за одржлив развој, беше одлична можност за претставниците на АЛКА да разменат искуства со претставници од Европските организации за одржлив развој, како и да ги посетат и откријат добрите примери на практицирање на локален одржлив развој во една од најзначајните рурални области во Германија.
Цели на собирот беа:
- Да им се овозможи на учесниците запознавање со живописни одржливи практики и поврзување на понудените концепти со личното искуство и идните активности во нивната средина.
- Етаблирање на трајна пан-Европска платформа за размена и координација на активностите и проектите за одржлив рурален развој.
- Состанок на постоечките организации - членки на Форум Синергиес и привлекување на нови членки.
Покрај состаноците и дискусиите, во текот на собирот беа организирани четири тематски патувања од следниве области: Натура 2000 и Економските Перспективи, Обновлива енергија, Мултифункционално фармско работење, Пристап до обработливо земјиште, Регионален маркетинг на органски производи и Одржливи перспективи на големите земјоделски структури.
